落雨喇~記得帶遮呀

Black Friday ⚫ 全單滿$400即可享SHIPLUS免運費!(優惠期至12月1日)

你的購物車是空的
{{ (item.variation.media ? item.variation.media.alt_translations : item.product.cover_media.alt_translations) | translateModel }} {{ (item.variation.media
                    ? item.variation.media.alt_translations
                    : item.product.cover_media.alt_translations) | translateModel
                }}
{{ 'product.bundled_products.label' | translate }}
{{ 'product.bundle_group_products.label' | translate }}
{{ 'product.buyandget.label' | translate }}
{{ 'product.gift.label' | translate }}
{{ 'product.addon_products.label' | translate }}
{{item.product.title_translations|translateModel}}
{{ field.name_translations | translateModel }}
  • {{ childProduct.title_translations | translateModel }}

    {{ getChildVariationShorthand(childProduct.child_variation) }}

  • {{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

    {{ getSelectedItemDetail(selectedChildProduct, item).childVariationName }}

{{item.variation.name}}
{{item.quantity}}x HK$0 {{ item.unit_point }} 點
{{addonItem.product.cover_media.alt_translations | translateModel}}
{{ 'product.addon_products.label' | translate }}
{{addonItem.product.title_translations|translateModel}}
{{addonItem.quantity}}x {{ mainConfig.merchantData.base_currency.alternate_symbol + "0" }}

【今棋流行】電梯前!搭𨋢都有得玩?

2022-07-06
    「Elevator Elevator 心越急越煩問題越難拆 Come on」 人生最嘥時間就係等待,日日等唔同嘅嘢,等車等買演唱會飛等搭𨋢 你又邊估到等𨋢都可以成為一個遊戲。 搭𨋢打尖遊戲-電梯前!   電梯前 (In Front of the Elevators) 係來自日本嘅大熱桌遊~最近終於推出咗中文版!   先開為敬 開佢部𨋢 外盒細小,但入面裝住無窮樂趣 首先會見到嘅係一疊計分紙, 因為每次遊戲需要進行三個回合,所以第一鋪輸個馬鼻都唔緊要,絕對可以後來居上㗎 中文版《電梯前》好貼心咁提供咗4種語言嘅說明書:中文、英文、日文、法文 遊戲背景好簡單,就係一家人去百貨公司,但係好多人等𨋢,為咗要上樓shopping,必須要打尖入𨋢。遊戲目的就係將你嘅家族成員帶上去隊頭,送晒佢哋入𨋢! 玩遊戲之前,我哋一齊睇下有咩卡牌先。   遊戲可以2-4人進行,但卡牌就有5隻顏色,總共49張 家族牌5張(每隻顏色各1):2人遊戲每人2張,3/4人遊戲每人1張 家族牌係你所代表嘅顏色,卡上亦印咗打尖規矩俾大家參考 打尖規矩:特定角色可以打另一指定角色尖 例如你有男孩角色,而該𨋢排最後嘅係女孩,咁男孩就可以打尖排喺女孩前面喇 人物牌35張: 有5個顏色,每款顏色都有7個人物 2/4人局:用5種顏色隻行遊戲 3人局:用4種顏色隻行遊戲 角色:女孩、男孩、媽媽、爸爸、奶奶、爺爺、迷路小女孩 每張角色牌嘅上方都會講咗邊個人物可以打邊個嘅尖 例如女孩可以打男孩尖,男孩可以打媽媽尖,感覺有少少似玩鬥獸棋咁有既定嘅食物鏈   迷路小女孩?定係古惑小女孩?   每個顏色都都會有迷路小女孩,佢其實有個特別嘅功能! 如果使用咗迷路小女孩,同一條隊入面同小女孩同顏色嘅角色都要排喺佢後面 假如你係藍色玩家又抽到綠色小女孩,使用後綠色爸爸就要排小女孩後面 咁藍色媽媽就可以成功入到𨋢喇 *注意:迷路小女孩就算入到𨋢,都只會計0分*   電梯牌9張(雙面都可使用): 藍色面2人/4人遊戲時用,暗紫紅色3人遊戲時用 每張電梯牌都會有唔同數字,如果該牌有3種數字就代表係條隊入面排頭3嘅卡牌有分 而每個數字代表排第幾嘅玩家可以獲得幾多分 就好似呢張圖咁,第1部𨋢啡色男孩有2分,黃色女孩有3分 而每張電梯牌上方就有指定獲得雙倍分數嘅角色 如果入第1部𨋢嘅係媽媽/奶奶,就可以獲得雙倍分數   3個女人1個墟!?唔只女人㗎! 如果同1部𨋢有3個相同角色,就可以去飲咖啡喇! 用咗飲咖啡技能可以有1分添,順便仲可以攬炒其他玩家 例如紅色玩家見到同一部𨋢已經有2個爺爺,再使用爺爺(唔一定要用自己顏色嘅爺爺) 就可以垃埋前面2位爺爺去飲咖啡,咁佢就可以獲得1分喇   擺好個陣!準備搭𨋢! (小編sss嘅扮工遊戲時間開始;P) 開局setting:放3張1個𨋢出嚟,因為3人局,所以會用暗紅色呢面 而第1局就用3張1號𨋢,第2局就用2號𨋢,如此類推(睇中間羅馬數字) 向每位玩家派發2張自己顏色嘅卡牌做手牌 然後將剩低嘅牌洗混,再抽出3隻放喺每部𨋢嘅頭位 (唔使唔同顏色,是但抽3隻就得) 抽牌後再剩低嘅牌大約平均分成3份,放喺𨋢前俾大家出牌後抽返 遊戲就可以正式開始~   遊戲開始!簡單嚟講!入到𨋢就有分! 開局抽牌時入到𨋢嘅人可以率先開始,然後順時針到下位玩家 記得每次都係先出1張牌,之後再抽返1張牌 啡色小女孩出現!但因為嗰部𨋢無其他啡色牌,所以發揮唔到佢拉人去後面嘅作用 而且就算佢排第3,都唔會拎到4分㗎!因為小女孩計0分 所以唯有打尖先可以迫小女孩出𨋢 而今次有人出咗黃色小女孩 就可以垃黃色媽媽去最後喇! 3個奶奶同時出現喺同一部𨋢! 出去飲咖啡啦!出最後1個奶奶嘅人可以拎走3張,然後獲得1分!   玩後感 本身以為係啲普通合家歡遊戲,原來要勝出遊戲除咗運氣,都需要消耗智力 因為要諗抽咩顏色嘅牌,之後用咩色嘅牌,出咩角色 可以選擇去自己主動拎分、又或者係拉人哋啲牌去後面陷害人,唔玩到最後都唔知邊個會贏 而且又唔會話玩得好大壓力,好似玩狼人殺之類咁爾虞我詐 無論2-4個人玩都好玩(感覺4人變數多啲好玩啲)係一個輕鬆又要小心機嘅有趣遊戲  

【秋の祭】秋意濃濃!霹靂啪啦秋祭!

2022-06-01
  不知不覺,原來已經踏入咗無得去旅行嘅第二個秋天喇 ( ¯•ω•¯ ) 以往都會諗吓去邊到睇紅葉感受吓秋意, 今年就剩係可以繼續留喺香港感受熱力在四射…… 不過與其喺到傷春悲秋,不如諗吓點樣喺香港過一個充實嘅秋天! 懶人大全-背樹面湖野餐之旅 今次就等我哋成為大家嘅 Picnic Partner ,幫大家準備好晒秋遊要準備嘅嘢啦~ 冚唪唥一條龍香港秋遊團!出發! 今次我哋就揀咗全港最大人造湖——香港迪士尼樂園附近嘅迪欣湖活動中心野餐, 交通都算幾方便,搭到去迪士尼之後再搭R8號巴士就可以直接去到~ 入面好多位置都有草地 是但揀都好有feel  *´∀`) 揀翻個望到湖嘅靚位就可以開壇擺陣喇,但記得留意翻迪欣湖嘅開放時間係9am-7pm啊~ 秋高氣爽 裝備齊全就起行 野餐呢啲活動梗係要三五知己一齊去先夠開心嘅! 有時啲嘢食放晒出嚟之後,啲人已經唔夠位坐 真係好難搞( ˘・з・) 今次我哋就帶咗3款唔同性能野餐墊去野餐, 全部都放完食物仲坐得落3-4個人,坐得舒服先可以enjoy成個下晝㗎嘛! 韓風野餐墊-輕身易帶推介! 首先登場有韓國直送嘅韓風野餐墊, 底部覆蓋咗防潮物料,咁就唔怕土壤嘅濕氣整污糟大家啦 ▲ 黃色格仔就斯文啲Girly啲 ▲ 塗鴉款就玩味感重啲 Colorful啲 Humbrand|【韓國直送】輕身易摺防水野餐墊 https://www.humbrand.com/products/【韓國直送】輕身易摺防水野餐墊 Pantone野餐墊-打卡推介! 呢款Pantone野餐墊真係打卡必備, 今次揀咗好適合秋天氣息嘅黃色俾大家~ ▲ 底部係膠面就唔怕啲草痴住好難掃走,而頂部係帆布質料 好有質感坐得好舒服,仲有個袋仔俾大家裝住張野餐墊添(ゝ∀・) Humbrand|Pantone 跣水野餐墊 + 袋 https://www.humbrand.com/products/pantone-跣水野餐墊-袋 Matador Pocket Blanket-容易收納、專業推介! 極容易收納嘅Matador Pocket Blanket, 呢款野餐墊比較輕身所以都相對地薄,但利用咗防水物料所以都唔使太擔心感覺太流。 最驚喜嘅係佢四角自帶膠釘 可以穩定野餐墊,咁就唔使怕佢太輕會吹走啦! 而且呢款野餐墊比之前兩款無咁少女心,就啱晒行型格風嘅朋友仔喇!σ`∀´)σ Humbrand|Matador Pocket Blanket https://www.humbrand.com/products/matador-pocket-blanket 去旅行做足準備-究竟食乜好? 話明野餐,最緊要就梗係個餐喇,食啲咩真係全個活動嘅重點嚟㗎! 菠蘿腸仔同零食呢啲當然係基本配備啦 (*´ω`)人(´ω`*) 但近年嚟興韓風,有唔少人都會帶吓紫菜飯卷,飽肚好味之餘又易整~ 而我就推介大家帶港風十足嘅豬耳去食喇,真係另有一翻風味㗎~ 有時野餐都係要食翻少少飽肚嘅嘢, 我哋咁懶就梗係唔會自已整三文治個啲啦, 所以今次直接去咗買幾個靚靚牛角包 (✪ω✪) 好味之餘打卡又靚~ 是次活動餐單: -菠蘿八爪魚腸 -韓式紫菜飯卷 -八月堂牛角包 -三哥豬耳 -三哥土匪雞翼 -香梨沙律 -精美水果 -RED ROCK DELI 香醋味薯片 -橙汁 -烏龍茶 相機食先-野餐必備食物盒 打得卡都唔希望太求其㗎嘛, 所以梗係要有啲靚靚食物盒去裝住大家悉心準備嘅食物啦,以下同大家介紹兩款野餐必備嘅食物盒~ 台灣Lasty環保食物包-可以叮、方便拎、環保地食外賣首選! 今次介紹由台灣製造嘅Lasty環保食物包俾大家, 除咗環保之外 Lasty其中一個最大賣點當然係方便收納啦! 每個Lasty食物包都配備一條可拆式手抽帶(๑•̀ㅂ•́)و✧方便大家可以另外手拎食物包以防壓到啲食物 食完嘢就可以用手抽帶收埋食物包,唔佔空間輕鬆拎翻走~ 我哋就覺得啱晒拎啲輕食類喇,例如菠蘿腸、沙律同水果呢啲, 就唔怕食物嘅顏色同氣味蝕落矽膠度! Humbrand|台灣製造 Lasty 環保食物包 https://www.humbrand.com/products/lasty 延伸閱讀|【開箱】台灣Lasty環保食物包第二代 https://www.gtm.hk/all/unboxing-lasty/ Stojo可折疊餐盒-夠硬身、保護力Up! 盒身係由矽膠製成,所以亦都可以摺埋方便收藏。 再配上硬身嘅膠蓋 更加適合承載啲腍身易散嘅食物! ▲ 而我哋就拎咗嚟裝紫菜飯卷同豬耳雞翼 ( º﹃º ) Stojo嘅容量大啲又挺身啲,更有心思嘅可以裝吓三文治/蛋餅呢類食物都唔錯㗎 Humbrand|Stojo Collapsible Bowl 可折疊餐盒 https://www.humbrand.com/products/stojo-collapsible-bowl 方便攜帶餐具套裝-環保又衛生啲 除咗靚靚食物盒之外,大家都可以帶翻套屬於自己嘅餐具, 可以減少使用即棄餐具,美觀啲乾淨啲又環保嘛, 我哋仲揀咗2款精美嘅餐具俾大家,仲要都係日本製添~ 日本製造便攜餐具盒-簡簡單單就很好 帶餐具出街最驚掗埞, 但呢款筷子同匙羹上下疊埋一齊 再用專用嘅餐具盒套住頂部,真係慳翻唔少位~ 而且筷子仲可以直接喺餐具盒取出,筷子頭仲有防滑坑紋 可以輕鬆夾嘢食~ Humbrand|日本製造方便攜餐具盒(羹+筷子) https://www.humbrand.com/products/日本製造方便攜餐具盒(羹筷子) 日本製 OSAMU GOODS 抗菌餐具-可愛餐具 少女心大爆發 餐具盒內有矽膠咕𠱸頂住,所以搖動時都唔怕發出聲響,畀人望住尷尷尬尬咁 ▲ 米色外盒再配上紅色嘅餐具,再加翻招牌嘜頭公仔喺盒外, 見到都忍唔住少女心大爆發講聲:好可愛啊~ Humbrand|日本製 OSAMU GOODS 抗菌餐具 (羹+筷子) https://www.humbrand.com/products/日本製-osamu-goods-抗菌餐具-(羹筷子) 有翻啲儀式感對自己好啲-精美實用杯杯樽樽 食到咁上下我諗大家都口乾喇可? 要有儀式感咁去野個餐,帶翻啲杯杯樽樽去真係唔少得! Stojo 可摺疊杯-有飲管有杯方便分享飲品實用之選 同Stojo餐盒一樣,可以折疊嘅Stojo Collapsible Cup! 賣點當然同樣係方便攜帶啦~ 唔好睇少呢個賣點啊,當你拎咗好多嘢食同裝備嘅時候,你就會明方便收藏攜帶嘅重要性。 ▲ 16oz嘅容量,買中杯廢水剛剛好~ Humbrand|Stojo Collapsible Cup – Biggie Cup 16oz https://www.humbrand.com/products/stojo-pocket-cup-16oz 日本製造復古印花圖案玻璃杯-帶嚟自High打卡之選 除咗實用性高嘅,我哋當然亦為大家準備咗美觀性較高嘅杯啦 由日本製造嘅復古印花圖案花花玻璃杯! 有隻咁靚嘅杯裝吓嘢飲,啲儀式感終於出晒嚟喇 ♥(´∀` )人 就算野餐完就咁喺屋企用都好有Feel~ Humbrand|日本 Adelia 昭和復古石塚硝子玻璃杯 https://www.humbrand.com/products/日本-adelia-昭和復古石塚硝子玻璃杯 Snow Peak 金屬杯-可收耳仔柄 方便拎上手 專業型格之選 Snow Peak呢個牌子相信大家都唔陌生,作為戶外用品大牌, 我哋之前亦已經介紹過鈦金屬單層杯同雙層不鏽鋼真空杯~ 有300ml同450ml兩款size,最正係杯柄可以收埋 隻杯又夠輕身! 除咗野餐可以用之外,就嚟入秋轉涼,又到咗露營嘅季節, 山上沖杯暖笠笠嘅特濃朱古力,買翻隻屬於秋冬嘅杯喇! Humbrand|Snow Peak 雙層不鏽鋼真空杯 https://www.humbrand.com/products/snow-peak-vacuum-double-wall-mug Hario便攜式過濾水樽-飲啖茶婦女之選 食嘢食到好膩最好梗係嘆翻杯茶(´ΘωΘ`)機會係留俾有準備嘅人㗎嘛, 我哋就幫大家準備咗同樣夠晒輕身嘅容器,Hario便攜式過濾水樽~ 無論水果茶定散裝茶葉都唔驚飲到成口渣, 最高仲可以耐熱100˚C添! 望落即變Proj-秋遊體驗昇華 除咗野餐墊同餐飲用具呢啲基本配裝備之外,仲可以點樣令你嘅秋遊體驗昇華呢? 同大家介紹FUNFUN的野餐用品! EASY TO CAMP 野餐櫈-有袋仔有椅背,夠輕易拎好坐之選 坐地下坐到pat pat痛?呢張櫈仔就Fit喇! 細細張方便拎,仲要有椅背為你撐腰, 咁就野餐都可以有個高人一等嘅享受啦~ ▲ 櫈下面仲有個拉鏈袋仔俾大家放吓私人物品,真係好體貼嘅設計啊~ Humbrand|EASY TO CAMP 手提摺凳連拉鏈袋 https://www.humbrand.com/products/手提摺凳連拉鏈袋 台灣製TZULAï 木豆腐盤-用嚟打卡,承高啲嘢、做OMASAKE 呢款台灣製嘅 TZULAï 木豆腐盤拎嚟襯托住啲食物就一流! 由橡膠木製造,同大自然環境融為一體咁,影相嘅時候就可以統一翻成個色Tone啦。 好似我哋咁就用嚟當張小木枱,放咗生果同橙汁喺上面, 食落都零舍好味咁啊真係~~ Humbrand|台灣製 TZULAï 木豆腐盤 https://www.humbrand.com/products/台灣製-tzulaï-木豆腐盤 韓國文創品牌Second Morning 2-Way保溫袋-靚靚又實用 雖然秋天開始有啲涼意,但始終太陽曬住 都係會想飲吓啲透心涼嘅冰涼飲品嘅, 保溫袋呢個時候就係你嘅好幫手喇! 我哋介紹得嘅梗係唔係普通買吓冰皮月餅送個種保溫袋啦。 由韓國文創品牌Second Morning推出嘅保溫袋, 外表就有好代表性嘅哈哈笑刺繡Logo,而袋內袋外都利用咗防水物料, 除咗有手抽帶之外 仲有條可調節長度嘅肩帶! ▲ 不過最令我哋驚喜嘅係內有穩定飲品嘅橡筋位,真係好細心呀heehee ♥ 咁就唔怕啲飲品左搖右擺啦 Humbrand|韓國文創品Second Morning Greenery Cool Bag 2-way 保溫袋 https://www.humbrand.com/products/韓國文創品second-morning-greenery-cool-bag-2-way-保溫袋 日本GRN水樽網袋-潮人必須!樽仔需要孭袋! 有時要去啲遠少少嘅地方秋遊, 飲品放晒入袋又拎住咁多嘢,口渴嘅時候搵嘢飲真係好唔方便㗎嘛( ˘・з・) 但有咗呢款由日本著名野外用品品牌GRN推出嘅水樽網袋就唔怕喇! 放定飲品入網袋,再孭住佢就唔怕揦手唔成勢~ ▲ 側邊可以扣住唔同嘅Gear 有啲朋友仔就會行山露營帶埋去,可以扣定盞電筒仔喺隔離。 而孭帶索繩可以調較長度,再加咗塊墊膊頭位置,咁就唔怕孭太耐整到膊頭唔舒服嚕~ Humbrand|日本野外品牌 grn outdoor 水樽網袋 https://www.humbrand.com/products/日本-grn-outdoor-水樽網袋 春天發生嘅秋天唔一定會習慣,喺2019年春天疫情大爆發,到而家都2021嘅秋天。 雖然未慣,但世界仍然在轉動,唯有諗吓方法為咁抑鬱嘅生活尋找啲小確幸啦~ 霹靂啪啦秋祭活動頁面 https://www.humbrand.com/pages/picnicpartner  

【今棋流行】本土首創《大打邊爐》卡牌桌遊

2022-06-01
香港話晒都有美食天堂之稱,雲集咗唔同地方嘅好西,但講到本港名物 就一定會有打邊爐份! 佢個精髓並唔係湯底可以幾有特色,唔係嘢食種類可以幾多花款, 追求嘅可能只係成班老友一齊烚下烚下 隊翻枝大啤嘅快感 (ゝ∀・)b 每次同Friend打邊爐都槍林彈雨如臨大敵咁款,肥牛永遠爭崩頭! (無用資訊:小編覺得牛肩脊打邊爐真係無得輸) 但你又有無諗過可以將呢個戰爭延續到飯後呢?   不得不講,香港人對美食嘅熱愛真係痴線級! 由元老級嘅香港燒賣關注組等群組出現之後,越嚟越多同類型嘅關注組出現, 而家竟然仲有人鍾意打邊爐到設計咗個Board Game出嚟! 聽落一定打晒問號,打邊爐到底可以點玩?(嘢食當然唔可以亂玩~) 而家就同大家介紹吓呢副卡牌遊戲到底係玩啲咩㗎啦! 材料準備 副牌同真正嘅打邊爐一樣,配料真係好多好豐富,主要分為四個種類~ ▲ 由左至右分別係:角色牌、湯底牌、食材牌/機會牌、功能牌 ▲ 角色牌(卡背紅色): 8個角色都各自會有指定必須收集嘅主要食材,角色牌唔使俾其他人睇㗎,保持神秘感遊戲更加好玩 ▲ 湯底牌(卡背啡色): 每款湯底會指定唔同嘅食材組合(主要食材+自選食材)所需數量,遊戲開始時需要抽取一張 ▲ 食材牌(卡背綠色): 會與機會牌洗混 食材分為4款:肉類、蔬菜、丸類、海鮮 亦會有分單拼食材(大部份)同雙拼食材(極稀有) ▲ 機會牌(卡背綠色): 會與食材牌洗混 如果抽到就要根據其功能進行行動!   ▲ 功能牌(卡背藍色): 即係手牌,分為3種: 基本(白色):單拼食材需要先用「醬」之後先可以再「食」/雙拼食材只需用「食」,要「食」咗先會成功計分 攻擊(黃底粉字):「夾」可以拎其中一個對手一組食材(即包括食材上嘅「醬」「食」功能牌/「舐」可以拎走其中一個對手一組食材最上嘅「基本功能牌」/「飲LA」可暫停指定對手一局(收到3張飲啦牌要嘔晒自己啲食材出嚟)/「慳D」將指定對手食材區其中一張「基本功能牌」無效 防禦(粉底黃字):「X你老母」可抵擋「夾」「舐」/「收皮」可抵擋「飲LA」/「烚ON」可取消無效化功能 搞好晒啲材料架生,準備開爐食嘢喇 首先就梗係要擺好咗個陣先! 先將兩疊卡牌分別洗勻(綠色:食材牌同機會牌需一齊洗勻/藍色:功能牌則獨自洗勻) 抽出12張綠色卡牌平放為食材區(4張X3行) 藍色功能卡牌為手牌,平均派發每人5張(每個回合結束嘅時候 手牌唔可以多過7隻) 每人都抽取紅色角色牌,決定指定需進食食材種類٩(。・ω・。)و 抽取1張啡色湯底牌決定食材數量分配   ▲ 例如:抽到清湯+淫娃角色,就必須進食5張(數量)海鮮(指定種類)+1張(數量)除海鮮類嘅食材(非指定種類),最先食齊所需嘢食就係大贏家(๑•̀ㅁ•́๑)✧ 遊戲正式開始! 每人嘅進行回合可以進行最多4步行動 第1步行動(必須進行):隨機於食材區揭開1張牌 ▲ 如果揭中機會牌,需跟據指示進行,將該卡放於棄置區,抽牌補至食材區,然後直接結束回合,輪到下位玩家進行 ▲ 如果揭中食材牌,就可以選擇進行第2-4步行動(不必順序進行)~   選擇1(可重複進行):打出「醬」或「食」牌,收取/進食食材,出1張牌計1個行動,收取食材後要抽返牌補至食材區空缺嘅位置(單拼食材必須先出「醬」再出「食」先叫成功進食) 選擇2(可重複進行):繼續喺食材區翻牌,揭1張牌計1個行動 *如揭中機會牌需跟據指示進行,然後直接結束回合* 選擇3:打出攻擊牌,直接完結回合(每回只可打出一次攻擊牌) 選擇4:棄置最多3張手牌以抽取同等數量功能牌,直接回合結束 選擇5:咩都唔做,直接抽功能牌結束回合 進行選擇1-3嘅話,回合結束時都要抽功能牌 如揭牌時揭中機會牌,則不能再抽取功能牌,要直接結束回合(。ŏ﹏ŏ) 玩家可以喺呢3個行動中,隨意選擇行動,所以仔細地思考決定行動次序都係致勝關鍵嚟嘅呢! *例:打出醬牌收取食材>打出食牌進食所收取食材>攻擊其他玩家>抽功能牌>回合結束* (選擇4只可獨立進行,不可醬/食/揭牌後才進行換牌) 你追 我躲 攻守交防戰   功能牌中除咗「醬」/「食」牌之外仲有好多攻擊/防守牌,但詳細功能就唔多講喇 等大家睇吓說明書同感受吓點部署去攻擊啦! 因為成個game嘅精髓就係點樣激到啲Friend紮紮跳⎝(◕u◕)⎠ 是敵是友 玩完仲有無Friend做 就睇今鋪喇! 食後感 成副卡牌好豐富,運用晒打邊爐所需嘅元素去設計出一副有本土特色嘅卡牌遊戲 一收到大打邊爐嘅時候,包裝的確好有驚喜, 配色夠晒玩味,插圖又盞鬼 仲用咗香港人常用meme圖嘅主角化身成遊戲角色! 最抵死係配合埋港味十足嘅常用語, 所有嘢都好貼地玩起上嚟更有代入感 ─=≡Σ((( つ•̀ω•́)つ   新手上路會覺得有啲複雜,因為功能牌同機會牌都比較多,令到記規則嘅過程變得麻煩 而且步驟可能都比較多,所以玩頭幾次都可能要拎住說明書咁玩( ˘・з・) 但逐漸熟練咗啲規矩後 樂趣就大咗好多,就好似真係打邊爐爭食咁 同呢個遊戲雖然兩個人都進行到,但趣味性一定大大減低 就真係打邊爐咁,要人多熱鬧啲先夠fun! 而家疫情緩和咗,社交活動應該可以逐漸回復正常啦 係時候約埋親朋好友「大打邊爐」! ⎝( OωO)⎠⎝( OωO)⎠⎝( OωO)⎠ 【Humbrand 現貨】【香港首創卡牌遊戲】大打邊爐|$369 https://www.humbrand.com/products/【本港首創】daaidaabinlo-card-game 大打邊爐官方遊戲教學影片 https://www.daaidaabinlo.com/pages/%E9%81%8A%E6%88%B2%E6%95%99%E5%AD%B8 遊戲詳情 美術設計:Rex Koo 遊戲配件:功能牌138張,食材牌46張,機會牌24張,角色牌8張,湯底牌4張,指示卡2張, 說明書1份 主要成份:紙張 卡牌尺寸:88mm x 58mm  

【呯呤唪唥實個測】台灣DEEPURE淨森林環保洗碗粉

2021-08-19
唔講唔知,原來香港越來越多人用洗碗機,與其日嘈夜嘈喺到嘈邊個洗碗好,直接交俾部機器就唔使煩啦! 又可以避免洗得碗多會有主婦手,洗碗機又比手洗碗消滅到更多嘅細菌。然後大家可能又要擔心,其實市面上嘅洗碗粉係咪真係可以安全使用呢? 普通洗碗粉普遍問題 1. 令不鏽鋼餐具造成花痕 都聽唔少人講過,不鏽鋼餐具最好唔好放落洗碗機到用,因為好容易會刮花,之後啲細菌同污漬就會好易攝落啲花痕到。 其實造成不鏽鋼嘅花痕好大機會係因為洗碗機水柱強力,再加上同洗碗粉造成強烈磨擦,所以造成花痕。 2. 有機會殘留化學物質 市面上嘅洗碗粉好多都會添加螢光劑,目的係令碗碟可以有潔白嘅視覺效果。 但長期接觸嘅話其實會對人體造成影響,尤其係有小朋友嘅家庭就要特別注意,始終小朋友嘅腸胃同免疫力會比較差嘛~ 3. 烘乾後仍然潮濕 洗碗機多數都會有埋烘乾功能,但功用都真係好壞參半,好睇洗碗機本身嘅能力。 而且仲有機會留有水漬,望落好似未洗乾淨咁,好唔美觀㗎嘛! 介紹返 淨森林-令你安心使用嘅環保洗碗產品 由於市面上嘅洗碗機副產品都有好多大小問題咁,所以今次為大家試一試 來自台灣嘅洗碗機周邊產品嘅品牌DEEPURE 淨森林。 淨森林有三大賣點: 安全:無添加MI/MCI防腐劑、甲醛、三氯沙、螢光增白劑、壬酚 環保:高生物分解度 洗淨力:有效洗淨(個人認為呢個係洗碗粉嘅基本,同好睇洗碗機本身) 賣花實係讚花香嘅,小編決定出馬 不專業地試一試佢嘅廬山真面目! 洗碗不閉翳 試試最實際 今次試用揀咗兩款洗碗機必需品,就係洗碗粉同光潔劑。 我哋第一日會用翻平時嘅洗碗粉,第二日再用淨森林嘅洗。 ▲ 第一日(平時):使用普通洗碗粉 其實平時洗碗後有時都會有化學味,而今次更有少量洗碗粉殘留喺碗到(影唔出所以無補相畀大家),所以要開多次機洗多次(つд`゚)・゚・ 明明用洗碗機就係想方便啲,點知又要洗多次,今鋪真係多舊魚…… ▲ 終於等到第二日,試下用淨森林嘅環保洗碗粉同環保光潔劑~ ▲ 俾個近鏡大家睇吓,係真係用污糟碗碟去做實測㗎!! ▲ 首先會落咗洗碗粉先,雖然佢官方網站話有淡淡嘅柑橘味,但我就咁聞就唔係太覺有咩味。 ▲ 然後就到落光潔劑,但因為今次拎返去係試用裝 無量杯,所以就咁用個蓋做標準。 ▲ 因為呢部洗碗機係無洗碗粉隔,所以就咁落咗去噴水槽位。 ▲ 呢張就係出浴照喇~ 我意思係啲碗碟洗完嘅相,見到左邊隻碟好明顯咁已經乾淨咗(雖然洗唔乾淨嘅話唔知要洗碗機做咩 ◑ω◐)   評測結果 1. 清潔功能正常,落咗一個樽蓋再少啲嘅份量。 但呢個係試用裝,實際落嘅份量可能唔同,同埋如果係實際購買嘅包裝會有回流蓋瓶口設計,容易啲控制份量 唔驚整到成個樽邊都係~ 2. 視覺上真係好似光滑過平時,但唔肯定係心理作用定真係有實際效用(❍ᴥ❍ʋ) 始終只係用咗一次,好難即時睇到個效用分別~ 如果碗嘅底部本身係有個兜位嘅話,其實都係會兜住咗啲水,唔會話可以完全烘乾到晒,但碗嘅表面就有烘乾到同真係無水漬。 除咗以上試用嘅洗碗粉同光潔劑,淨森林仲有其他產品,一齊介紹埋~ 洗碗機專用水垢去除劑 唔知大家有冇聽過一個講法,你屋企嘅洗衣機分分鐘污糟過出面街口個公廁。 其實洗碗機都同一個道理,因為同樣地你唔會成日清洗佢。 唯一唔同嘅就係洗衣機洗完嘅衫你只係着上身,但碗裝住嘅嘢係會放落口㗎嘛,所以洗碗機嘅清潔都好重要!   洗碗機專用高純度軟化鹽 拎鹽去洗嘢?你估我古代人啊? 哦~原來佢係令水質軟化嘅小幫手ᕕ ( ᐛ ) ᕗ 不過軟硬天師就話識啫,乜原來水都有分軟硬㗎? 硬水係指水入面含有不同礦物嘅水,但長期飲用會對人體造成影響,例如有啲人飲咗硬水就會好易肚痛~ 而呢款洗碗機專用高純度軟化鹽係由原產地澳洲嘅天然海鹽製成,氯化鈉純度達99%以上,所以有助水質軟化,可以有效防止水垢產生! 不過始終呢個係台灣品牌,台灣水質偏硬 所以比較適用於台灣當地使用。 而其實香港水質係軟水嚟嘅,呢個產品就可以唔使經常使用喇,可能定期用一用 以防礦物喺管線入面形成結塊就可以了~ 後記 個人認為好難比較每款洗碗粉邊款會優勝啲,始終每款本身都有佢嘅洗淨能力。 但環保同安全就真係好重要,始終碗碟係用於飲食用途,你唔排除啲化學物質係真係會對人體有影響。   淨森林嘅洗碗粉標榜使用環保配方, 所以成份會較為溫和,對身體無害~ 啱晒有小朋友同毛孩嘅家庭使用! 清洗小朋友同毛孩使用嘅餐具嘅時候用淨森林嘅產品 就可以買個安心啦٩(๑❛ᴗ❛๑)۶ 唔怕一萬只怕萬一,所以如果有得揀嘅梗係搵啲無添加化學物質同成份天然啲嘅! 官方網站 https://www.deepure.com.tw/     購買傳送門:  https://www.humbrand.com/products/deepure-%E6%B7%A8%E6%A3%AE%E6%9E%97%E6%B4%97%E7%A2%97%E6%A9%9F%E5%B0%88%E7%94%A8%E7%92%B0%E4%BF%9D%E6%B4%97%E7%A2%97%E7%B2%89      

【開箱】台灣Lasty環保食物包第二代

2021-07-28
香港人喺疫情後更加離唔開外賣,但外賣亦離唔開使用一次性飯盒同膠袋, HOW DARE YOU! 近年環保議題越嚟越被關注,想加入無痕飲食,為環境盡一份力(๑•̀ㅂ•́)و✧ 但市面上嘅環保餐盒好似都唔係咁啱外賣,成日搞到店家手忙腳亂咁, 有冇一個「自己鍾意用、店家方便用」嘅環保入門款餐盒呢? 為大家介紹返Lasty環保食物包第二代! 開箱搶先睇 ▲ 今次開箱揀咗經典灰,一打開見到佢係磨砂質地,處於一個扎肉卷嘅嘅狀態,而所有配件都已經喺晒呢個小小嘅盒砌好晒 ▲ 拎出嚟嘅樣子係一個捲住咗嘅狀態,平時捲返做同一個樣就咁放落袋,慳位好多~ ▲ 麻雀雖小,五臟俱全,解返開後大家會獲得一個食物袋同一條手抽帶 今日睇真啲Lasty啲細節 手抽安裝冇難度 附上嘅手抽帶方便使用者唔使額外再裝入另一個袋,喺街上面都可以隨時打開隨時拎走,安裝都好簡單~ ▲ 先將U型嗰邊以LOGO朝內嘅方式,由下往上套入扣環,套入後翻轉180度,再將手抽帶拉到盡,再將U型倒轉,並以LOGO朝內的方式向下套入扣環,套入後再翻轉180度,就係一條好穩陣嘅手抽~ (或者包裝內會有QR code,scan後會有詳細說明,唔怕!)   一抽二掕都無有怕 Lasty單手操作模式 可以攤的話不會郁,可以用一隻手做到嘅嘢 又點解要用兩隻手呢?~ ▲ 只要將食指同手指公放喺袋邊邊框,再輕輕一按,然後撳翻實個鎖扣,就可以鎖實個袋,單身搞掂成個步驟㗎喇~ 防漏耐熱冷藏微波 十八般武藝 你係攞你命3000? ▲ Lasty食物袋用咗通過美規FDA、德國LFGB檢驗標準嘅白金級矽膠原料,具備功能之餘又可以輕鬆收納。 ▲ 白金級矽膠有咩咁巴閉,就係佢可以冷凍雪藏、可以微波加熱,連放落洗碗機同烘碗機都冇問題 *溫馨小提示:初次使用前最好用啲中性嘅洗潔精洗吓先 ▲ 喺打開咗嘅狀態會見到內側有條線,佢係液體嘅容量警界線,液體承載超過呢條線就會有漏汁嘅風險㗎啦 *官方指液態容量係750ML ▲ 只要唔超過警界線同唔好大力擠壓佢,小編實測過真係可以做到防漏,所以外賣固體液體粥粉麵飯都可以~ ▲ 擁有無膠條專利設計,較同類產品更易清潔,減少卡垢發霉。官方測試指食物袋可以耐重至少約2KG,但都要小心唔好裝太重! 戰鬥進化戰鬥再進化:Lasty一二代有咩分別 Lasty吸收咗第一代嘅意見反饋後,改良再開發咗第二代食物包! ▲ (左邊為第二代,右邊為第一代) 最大分別相信係呢條手抽帶,第一代嘅手抽帶採用同本體一樣嘅矽膠,而第二代搖身一變 變成硬身啲嘅LDPE手提膠帶 ▲ 第一代嘅軟身矽膠帶會帶嚟一個都幾麻煩嘅問題,當食物袋裝咗嘢食嘅時候,因為膠帶嘅支撐力無咁大,所以好容易令食物袋傾斜。 一來拎起上嚟左搖右擺咁 難拎又唔美觀,二來都增加咗倒瀉嘢嘅風險。 ▲ 而第二代嘅手提帶硬啲,相對挺身好多,就大大減少咗呢個問題嘅發生。 ▲ 實測咗第二代喺裝咗液體之後,左揈右揈後最多都只會係呢個斜度,傾斜度大大減低 ▲ 加上第二代配件將本來較易磨損嘅PP材質 升級為耐用嘅高剛性ABS,所以無咁容易壓壞同刮花~ 痴線蜘蛛條蜘蛛絲痴住支樹枝 有得必有suck ▲ Lasty 袋身以矽膠製造,雖然好處係使用彈性易收納,但都有個明顯嘅缺點,就係外層袋身勁易痴到塵、頭髮之類嘅微型污糟物 喺我哋影產品圖嘅時候,個袋底已經喺唔知幾時痴咗啲微塵毛髮線頭…… ▲ 小編喺屋企實測食物袋嘅承載液體能力,已經有乖乖地咁冇超過條安全線,但左右摺起嘅位置喺扣起後會累積咗液體, 打開時就會由開口位嘅兩邊流返出嚟, 屋企都睇到小瀑布……但呢個應該係無可避免的(;ω; ) 所以都建議大家裝完有湯嘢食 喺準備開餐打開前,先墊塊布或者鋪好枱。 不過瑕不掩瑜,唯有裝液體打開時小心啲,清洗嘅時候順便洗埋外層,小編個人使用時覺得都可接受嘅~ 我和Lasty有個約會 其實小編都幾經常會帶輕便早餐返工食,但喺麵包鋪買簡單一個包都要用到一個膠袋, 每日咁用法 覺得自己都幾大晒鬼,所以自己喺接觸Lasty之前 已經開始產生咗想入手一個食物袋/食物盒嘅諗法, 咁適逢要實測埋σ`∀´)σ 就一於帶住Lasty,試下係咪真係一款無論對用家定店家都friendly 嘅環保容器! ▲ 一個good morning由一個肥仔麵包開始, 如常地入包鋪,今次直接打開個Lasty,放個包入去, 收銀處靚姐輕輕一睄 見到係蔥腿包,可能見慣大風大浪嘅佢如常地收咗$7.5, 如常地離開拎住返公司,一切如常,但慳咗個膠袋,像極了愛情。 ▲ 乾爽嘅蔥腿包,食完之後輕輕沖一沖洗就ok~ ▲ Lunch去咗一間泰國菜買外賣,好順利地買到同拎返上office ▲ 靚靚金邊粉!而且一啲都冇影響份量,照樣食到飽一飽 ▲ 拎到返嚟覺得凍咗少少,成個放入微波爐叮一叮,相當方便~ ▲ 但因為打開後袋身比較高,今餐本身用筷子就冇問題,但如果有時要用短柄啲嘅叉或羹 就應該會比較難喺袋內撈食物 ▲ 第二個早上喺屋企帶兩片方包,但朝早起身唔想拎住,放入背囊仔啱啱好帶返工~ ▲ 第三日早餐食燒賣,容量大到裝十粒綽綽有餘,我諗裝四十粒都唔係問題 ▲ 收工後帶返屋企,摺埋後只係後面本A5簿嘅一半,帶住行街都唔怕掗拃 誠實豆沙包 Lasty實際用後感 小編作為環保初哥,用咗幾日個人感受覺得都幾方便,同以往覺得環保就要麻煩啲嘅印象都有啲唔同。 裝乾身食品完全冇難度,而且比起傳統環保食物盒慳位,當飯袋都ok,有時自己淨係孭個細斜孭袋都可以解放雙手,兩手揈揈咁走~ 但晚餐試過買鹽水雞等重口味嘢食,食完之後需要盡快洗,若果唔係可能會殘留氣味( ˘・з・) 雖然裝小食超級方便,大部分店家都相當歡迎食物包。但去買米線同薯粉等湯類食品時,都有店員表示基於安全同衛生守則,若果想用食物袋就需要自己裝返,相對就冇咁方便。 但都有聽聞有米線鋪頭係可以直接用到的,所以使用前都記得先問清楚 ε(*´・∀・`)з゙ Lasty官網 https://www.lasty.tw/ 〖 現貨賣場Humbrand 〗台灣製造 Lasty 環保食物包 https://www.humbrand.com/products/台灣-lasty-環保食物包 環保呢樣嘢大家都覺得好遙遠,但原來一直都喺眼前。 就好似以前大家都習慣買嘢用膠袋,而家出街都開始自備帶多個購物袋。 好多嘢以往冇留意嘅 都可以由呢刻做起,大家都可以做多一步。  

【夏の祭】好熱好熱!冰拎唪唥夏祭!

2021-07-28
前排就有個群組用YOLO去宣傳禁毒,YOLO:YOU ONLY LIVE ONCE,本身呢就係講緊人生只會活一次,人一世物一世,乜都要試下嘅。 點話點好啦,我哋就唔鼓吹任何吸毒行為嘅,但食冰嚟講又真係好刺激好爽……我係講緊刨冰、沙冰個啲冰啊! 而家嘅夏天越嚟越熱,又成日睇新聞睇到心火盛,唔食翻啲涼爽嘢,點對得住自己啊ヾ(●゜▽゜●) 為咗幫大家降下火,我哋又實測咗啲有趣小工具,準備介紹俾大家! 憑汗水同堅持換翻嚟嘅沙冰 係甜㗎 市面上嘅沙冰杯都要提早一晚雪定落冰格,再倒飲品落去先整到沙冰。 但冰櫃本身已經放晒急凍嘢 都無乜位剩,再放多成隻杯落去 實俾阿媽話阻住晒 (PД`q。) 而且心血來潮想食沙冰嗰陣又無得即刻食喎…… (小編屋企都有一個,而家先記得佢嘅存在,我諗佢係我雪櫃冰格雪咗5年都有嚕XD) 而家就介紹翻呢款唔使提前雪定嘅 搖搖沙冰杯 俾大家,只需要基本材料就可以即刻整到好味嘅沙冰,好興奮啊! 材料: 2.5cm 大小的冰           5粒 鹽                                   約20g 水                                   約25cc 自己喜歡調製嘅飲品  30-55cc   但要割禾首先要彎低腰,要用呢個沙冰杯需要有毅力同強勁嘅臂彎\\٩( ‘ω’ )و //// 睇咗實測片就知小編咩料(打交無得輸~) CHOK翻個百令秒左右 就可以食到軟滑嘅沙冰㗎喇 大家仲可以試吓用自己鍾意嘅飲品去整添,份量唔算多,但有得發洩吓精力之餘仲可以過吓口癮,掂啦~ 買嚟同小朋友玩仲可以教曉佢哋,憑自己嘅努力獲得嘅成果 係特別有成功感㗎! Humbrand|冰拎唪唥!搖搖沙冰杯 https://www.humbrand.com/products/冰拎唪唥!搖搖沙冰杯 柔軟又飽滿?我知你鍾意大波妹,我都有大粒糖,唔知你啱唔啱? 唔知大家有無食過呢款100%果汁嘅提子味覺糖? 佢都曾經喺香港風靡一時㗎,想當年我屋企都入定十包八包做存貨,拎翻學同啲friends分享嗰陣都威啲! 佢嘅外層做到好似真正提子皮咁嘅口感,入面嘅果肉就係Q彈提子糖, 唔知柔軟又飽滿嘅提子糖 遇上硬唪唪嘅刨冰,又會產生點樣火花呢? 大量製造刨冰無問題~YOLO~ 如果你係個懶人,又想試下不勞而獲嘅嘅感覺,呢部 UHA味覺糖電動刨冰機 就啱晒你 就咁插電、買包糖(絕對建議用上面推介嘅提子糖)、買袋冰就已經可以整到! 到貨時覺得呢部電動刨冰機比想像中靚好多! 佢採用翻糖果色系去點綴部刨冰機,好有味覺糖嘅感覺,雖然都有啲似菲利 除咗機座夠晒穩陣 是是正正之外,仲有塊刀片夠厚又有鋸齒,夠晒力打碎冰同糖。 所以好快就可以刨到好多冰,啱晒宴客嘅時候拎出嚟用 (*´ω`)人(´ω`*) 同三五之己親朋戚友一切過翻個透心涼嘅夏天! Humbrand|冰拎唪唥!UHA味覺糖電動刨冰機(連轉插) https://www.humbrand.com/products/uha味覺糖電動刨冰機(連轉插) 復古日式刨冰機,牙無力都食到嘅綿綿冰 有啲人可能又會話 沙冰要chok咁攰,刨冰硬唪唪咁 食到牙都痛埋, 但都仍然追求涼快嘅你,咁綿綿冰一定係你嘅首選啦~ 老實講,呢部咁復古咁日系嘅刨冰機 一開始只係以外貌吸引到我哋,心諗拎嚟打個卡、扮下去日本都好啊嘛~ 點知佢實測之後大家都對個冰 大好評!! ▲ 一開始未用前以為佢刨出嚟係粗粒刨冰,咁就可以整翻杯日式刨冰 點知佢嘅成品出到嚟居然係軟滑嘅棉棉冰,用上特製配方再加啲新鮮生果食,絕對可以媲美甜品舖嘅冰! (好好味冰製作材料:乳酪、煉奶、暖水、新鮮生果) 輕鬆易整,即睇一分鐘製冰大法!我意思係棉棉冰 Humbrand|冰拎唪唥!日本復古手攪刨冰機 https://www.humbrand.com/products/冰拎唪唥!日本復古手攪刨冰機 知唔知恐龍係點滅絕㗎? 相傳地球步入冰河時期嘅時候,恐龍就開始慢慢滅絕, 現今考古學家多數都剩係搵到恐龍嘅化石,而我哋今次好好彩 搵到恐龍冰封嘅畫面。 造成恐龍冰封嘅並唔係因為冰河時期…而係… ▲ 係因為呢個Tovolo Yeti 矽膠雪條模!每套雪條模都有4款恐龍,而每隻恐龍都有相對應嘅雪條棍尾巴。 ▲ 而且仲好有心咁,雪條棍嘅頭係恐龍骨頭形狀嚟㗎。 就嚟放暑假,買啲簡簡單單就小玩意,同屋企嘅塞豆窿一齊玩吓親子活動幾咁好啊~ Humbrand|冰拎唪唥!Tovolo Yeti 矽膠雪條模 https://www.humbrand.com/products/冰拎唪唥!tovolo-yeti-矽膠雪條模(一套四件) 半杯半杯上心頭 彷似喝多少也不夠? 唔知飲開酒嘅朋友會唔會有個煩惱,就係屋企啲冰總係融得好快,加落酒到溝淡晒啲酒味,浪費咗支靚酒。 而且啲冰成日起晒白霧同氣泡,冇咁美觀咁,但究竟係咩原因呢? ▲ 當水結冰嘅時候係由外到內凝結,所以水入面嘅空氣同雜質會被迫到中間。而亦都係因為冰入面有空氣,冰亦都會相對快融啲。 咁點先可以整到透明嘅冰呢? ▲ 只要喺雪冰嘅時候,令到佢由上到下慢慢咁結冰,就可以將空氣同雜質迫至最底。咁表面嘅冰就可以保持透明喇! 有唔少人會自己整透明冰,然後再自己切翻想要嘅形狀,但大多數時候 飲杯酒都係想chill下啫,搞咁多嘢真係搵着自己嚟搞。 其實市面上都有唔同嘅透明冰製造器㗎~       今次我哋亦都實測咗 鑽石型透明冰製造器。(仲有心型嘅選擇,但講金唔講心,都係揀翻鑽石啦)   ▲ 呢個透明冰製造器有三個配件:鑽石冰模、貯水容器 同最緊要嘅隔熱容器。 隔熱容器就係為咗可以令水單向凍結成冰,先可以做到透明。 但唔知點解我哋實測咗幾次,都有唔同嘅小失敗 (●▼●;) 就好似呢次咁,其實會睇到冰嘅外圍係透明效果,但中間有好多氣孔造成嘅柱狀白霧, 唯有再接再勵 試多幾次啦,之後有成果可能再同大家update翻! Humbrand|冰拎唪唥!透明冰製造器 https://www.humbrand.com/products/冰拎唪唥!透明冰製造器 有一刻真係懷疑,啱啱喺冰箱拎出嚟嘅雪糕,硬過我條命 每次興高采烈想食雪糕,拎到出嚟發現硬得濟唔可以即刻食,真係欲哭無淚。 但有呢隻 日本製鋁合金雪糕匙羹 就唔再怕喇!   ▲ 鋁合金容易傳熱,拎起雪糕羹嘅時候好快就可以將手溫傳熱到匙羹,就可以令雪糕慢慢咁融化,輕鬆就挖到落去~~ Humbrand|冰拎唪唥!日本製鋁合金雪糕匙羹 https://www.humbrand.com/products/日本製-ice-cream-spoon 夏日熱辣辣( ・∀・  見到上面介紹嘅冰品工具係咪巧心動呢? Humbrand 冚唪唥 正舉行緊 夏日冰祭【冰拎唪唥預購】,以上介紹嘅實用小工具都開放預購,出晒汗嘅大家記得捉緊夏天~ 冰拎唪唥活動頁面 https://www.humbrand.com/pages/lookintomyice

【春の祭】集合吧!冚唪唥蛋控!

2021-05-28
有無發現近年來越嚟越多乜乜關注組/乜乜協會呢? 夠出名嘅有香港人熟知嘅香港燒賣關注組,佢哋facebook專頁多達十萬人follow。 而我哋發現仲有個香港蛋控協會嘅存在(σ゚∀゚)σ 身為蛋控嘅一份子,決定將雞蛋發揚光大,介紹一啲有趣嘅雞蛋煮食小工具俾大家!! 徬徨失措,輕鬆一解蛋癮之癢 返工嘅時候突然想加碼食隻蛋,身邊又無爐無煲,真係會徬徨無助…… 好彩而家好多懶人煮食小工具, 只要有微波爐就可以輕鬆食到唔同類型嘅雞蛋料理! ▲HARIO微波爐雞蛋料理器,雞蛋6隻 糖呢就2茶匙…唔使搞咁多嘢嘅! 打隻蛋落去加啲鹽,叮幾十秒就可以食到太陽蛋喇! 唔鍾意太陽蛋都唔緊要,呢款微波爐雞蛋料理器仲可以叮出炒蛋同茶碗蒸~ 總有一款滿足到你嘅蛋癮~ 最重要係油都唔使落,健康啲嘛! ▲唔講未必知,原來烚蛋嘅蛋白質消化率高達99.7%,睇嚟想吸收蛋白質嘅話烚蛋真係首選。 但有時烚隻蛋又要開爐又要等水滾又要睇火…烚完嗰半煲水又晒咗,時間成本都幾高吓㗎-.- 唔緊要,而家介紹個驚為天人嘅烚蛋神器過你! 用咗呢個日本製微波爐烚蛋器,只需要叮10分鐘就可以食到烚蛋喇! 仲有個慳電模式:叮6分鐘後再焗多6分鐘,搞掂食得! ▲下面嘅小容器會拎嚟裝水,防止雞蛋微波加熱時,內部會產生大量水蒸氣。 我哋仲實測過只少4次,夠晒安全唔使擔心會爆蛋。 *當然唔好叮過時啦!   日本地道料理,生蛋醬油拌飯 TKG(Tamago Kake Gohan)係日本人好鍾意嘅料理,只需要簡單步驟同材料就可以完成。 而TKG有好多唔同嘅做法,分別可以突出蛋白/蛋黃/醬油/白飯嘅味道。 但大家可能都會好擔心生食雞蛋會唔新鮮,容易造成腸道不適。 其實市面上可以搵到一啲生食用嘅雞蛋~~~ ▲呢款日本新紀元嘅曉就好出名,係可以生食用嘅,佢亦喺香港蛋控協會被會員瘋傳,好多會員試完都話蛋黃香味濃郁! ▲有呢個TAMAGO JAPAN LOGO嘅雞蛋就代表雞蛋經過「日本畜產物輸出促進議會」嚴選過,係可以3週內生食嘅~而佢哋嚴選嘅方式相當好仔細。由雞隻嘅飼料到養雞嘅環境,仲有精選分級 同喺清洗殺菌上都一絲不苟,所以大家可以安心食用。 手殘人士注意 分離蛋黃蛋清再唔係你嘅惡夢 ▲好多時整甜品都要分開蛋白蛋黃,但一失敗又要成個步驟重新嚟過…… 呢個時候蛋黃分離器絕對係個好幫手~ 配合可愛嘅動物造型,為你嘅廚房增添趣味同色彩! ▲唔鐘意太花巧,仲有簡約黃色造型添~   打卡必備 蛋黃都可以有唔同樣?! 難得放假撞正陽光普照,去野餐絕對係個好活動。 野餐打卡是常識,但點先可以令你嘅打卡相更上一層樓呢? ▲嘟嘟嘟嘟嘟~~可愛蛋黃造型花式煮蛋器~~ 細個嗰陣學嘅係雞蛋係橢圓形而蛋黃係圓形, 但如果有日有個細路同你講蛋黃係星形㗎, 你千其唔好話佢,因為佢屋企人好有心用咗呢個可愛蛋黃造型花式煮蛋器去整雞蛋俾佢! ▲而佢嘅操作亦好簡單,先加人蛋清落模具煮就後,拎走模具再加入蛋黃煮熟就得㗎喇。   雞蛋,可能係再普通不過嘅嘢,周街都有得買。 但你唔會知過咗幾多年之後會唔會連賣雞蛋都犯法。擁有嘅時候唔捉緊,失去嘅時候喊都無用。雞蛋們,共勉之。